Wilshere vill fá að spila

Meiðslapésinn Jack Wilshere er allur að koma til og segist vera orðinn klár í slaginn fyrir HM.

Hann hefur ekki verið í byrjunarliði síðan í mars en þá meiddist hann í vináttulandsleik Englands og Danmerkur.

Það styttist í fyrsta leik Englands á HM en hann er gegn Ítalíu þann 14. júní. Englendingar hita upp fyrir HM með vináttuleikjum gegn Perú, Hondúras og Ekvador og Wilshere vonast eftir því að fá tækifæri þar.

"Ég er búinn að æfa á fullu í langan tíma en mig vantar að fá að spila. Mér líður vel en vantar sárlega spiltíma. Vonandi næ ég að spila eitthvað áður en HM byrjar," sagði Wilshere.