Köngulóarmaðurinn handtekinn á Times-torgi

Lögregla í New York-borg handtók fjóra menn klædda sem Köngulóarmaðurinn, Járnmaðurinn og Elmo á Times-torgi í New York í gær.

Handtökurnar voru í gerðar í kjölfar þess að lögregla dreifði tilkynningum til ferðamanna um að þeir séu ekki neyddir til að greiða fyrir að láta taka ljósmynd af sér með búningaklæddum mönnum á torginu.

Mennirnir eru á aldrinum 25 til 40 ára og voru handteknir vegna óláta og að hindra umferð gangandi vegarenda.

Á vef NBC segir að talsvert hafi verið rætt um greiðslur ferðamanna til búningaklæddra manna á Times-torgi að undanförnu. Blossaði umræðan upp fyrir tveimur vikum þegar maður klæddur Köngulóarmannsbúningi fór fram á meiri pening úr höndum ferðamanna sem höfðu látið taka mynd af sér með manninum á Times-torgi. Lauk atvikinu með að maðurinn sló til lögreglumanns sem hafði skorist í leikinn.