Innlent

Sigga Dögg birtir kynfæramyndirnar umdeildu

Kolbeinn Tumi Daðason skrifar
Sigga Dögg og myndirnar umtöluðu.
Sigga Dögg og myndirnar umtöluðu.
Lögreglunni á Selfossi þótti ekki tilefni til þess að ákæra Sigríði Dögg Arnardóttur kynfræðing fyrir myndir af kynfærum sem hún sýndi fermingarbörnum í bænum.

Sigríður Dögg Arnardóttur kynfræðingur, betur þekkt sem Sigga Dögg, birtir á heimasíðu sinni í dag kynfæramyndirnar sem hún sýndi tilvonandi fermingarbörnum á Selfossi á dögunum. Um var að ræða fyrirlestur um samskipti kynjanna sem hún hélt í Selfosskirkju að frumkvæði kirkjunnar.

Líkt og Vísir greindi frá í síðustu viku lögðu foreldrar barns í hópnum fram kæru á hendur Séru Ninnu Sif Svavarsdóttur, æskulýðsprests í Selfosskirkju. Töldu foreldrarnir Ninnu Sif ábyrga fyrir þeirri háttsemi sem fram fór í kirkjunni, þ.e. að Sigga Dögg sýndi fermingarbörnunum umræddar myndir.

Lögreglan tók málið til rannsóknar en komst að þeirri niðurstöðu að ekki væri tilefni til þess að leggja fram ákæru því ekki væru líkur á sakfellingu.

„Loksins loksins loksins loksins eru allar kynfæramyndirnar komnar saman!“ skrifaði Sigga Dögg með myndunum sem hún birti á síðu sinni í dag.


Tengdar fréttir

Æskulýðsprestur ekki ákærður

Séra Ninna Sif Svavarsdóttir var kærð til lögreglu fyrir að sýna börnum myndir af kynfærum í fermingarfræðslu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.