Versta sem ég hef gengið í gegnum á fótboltaferlinum

Gus Poyet, stjóri Sunderland, átti ekki orð yfir frammistöðu lærisveinna sinna gegn Southampton í ensku úrvalsdeildinni í knattspyrnu. Southampton skellti Sunderland með átta mörkum gegn engu.

„Þetta er versta martröð sem ég hef gengið í gegnum á fótboltavelli. Þú heldur að þetta muni aldrei falla í þinn hlut að standa í þessum aðstæðum, en stundum er það bara þitt," sagði Poyet í leikslok og hélt áfram.

„Þetta er óafsakanlegt og ég er miður mín fyrir alla þessa stuðningsmenn sem ferðuðust hingað og voru frábærir."

„Ég get ekki horft á þennan leik aftur," sagði sorgmæddur Poyet í leikslok.