Sigmundur bauð Malölu til Íslands

Sigmundur Davíð Gunnlaugsson, forsætisráðherra Íslands, var nýbúinn að bjóða Malölu Yousafzai til Íslands, þegar tilkynnt var að hún hefði unnið til friðarverðlauna Nóbels. Sigmundur segir frá þessu á Facebook síðu sinni, en Malala fékk verðlaunin afhent í dag.

„Það var gaman að sjá Malölu Yousafzai taka við friðarverðlaunum Nóbels í dag og hlusta á hvetjandi ræðu,“ segir Sigmundur.

Hann segir ekki raunhæft að Malala komi til landsins á næstunni, en vonandi nái hún að heimsækja Ísland einhvern tímann.

„Fáum væri skemmtilegra að bæta í hóp Íslandsvina.“

Post by Sigmundur Davíð Gunnlaugsson.