51 sending og mark hjá Liverpool | Myndband

Liverpool komst aftur á sigurbraut í gærkvöldi þegar liðið lagði Bournemouth, 3-1, í átta liða úrslitum enska deildabikarsins. Raheem Sterling fór á kostum og skoraði tvö mörk fyrir rauða herinn.

Fyrsta mark Liverpool var magnað, en þar sendi liðið boltann 51 sinnum á milli sín áður en Sterling skallaði sendingu Jordans Hendersons í netið á 20. mínútu leiksins.

Sóknin tók tvær mínútur og 25 sekúndur og komu allir leikmenn Liverpool við boltann nema markvörðurinn Brad Jones.

Liverpool var búið að senda boltann 26 sinnum á milli manna áður en varnarmaður Bournemouth hreinsaði frá og gestirnir hófu 51-sendinga sóknina. Liverpool átti því 76 snertingar á boltann af 77 áður en það skoraði fyrsta markið.

Sigurinn fleytti Liverpool í undanúrslitin þar sem liðið mætir Chelsea heima og að heiman á nýju ári.

Þetta flotta liðsmark má sjá í spilaranum hér að ofan.