Messan: Colback var stórkostlegur

Newcastle vann um helgina Chelsea fyrst liða í ensku úrvalsdeildinni. Með sigrinum komst liðið upp í sjöunda sæti deildarinnar en Newcastle hefur verið á mikilli siglingu að undanförnu.

Þeir Gummi Ben, Hjörvar Hafliðason og Ríkharður Daðason fóru yfir leikinn og ekki síst þá miklu varnarvinnu sem leikmenn Newcastle sinntu í leiknum.

„Þeir eru líkamlega sterkir,“ sagði Ríkharður um varnarleik Newcastle en hann hrósaði Jack Colback sérstaklega fyrir hans frammistöðu.

„Hann átti stórkostlegan leik og vann boltann hvað eftir annað. Svo gerði hann einnig fína hluti í sóknarleik Newcastle og átti lykilsendingu í sigurmarkinu.“