Starbucks neitar fyrir stuðning við Ísrael

Kaffihúsakeðjan Starbucks reynir nú hvað hún getur til að sannfæra viðskiptavini sína um að hún styðji ekki við bakið á Ísraelsmönnum í átökum liðinna vikna á Gasasvæðinu.

Í tilkynningu sem birtist á heimasíðu fyrirtækisins eru orðrómar þess efnis reifaðir en Starbucks þvertekur fyrir að það veiti „Ísraelsmönnum eða ísraelska hernum fjárhagslegan stuðning af nokkru tagi.“

„Starbucks hefur ætíð verið og mun ætíð vera óhátt fyrirtæki. Við styðjum hvorki stjórnmála- né trúaröfl,“ segir í tilkynningunni.

Talsmaður þess, Jim Olson, segir að tilkynningin komi í kjölfar háværra orðróma sem skotið hafi upp kollinum aftur eftir að hernaðurinn fyrir botni Miðjarðarhafs færðust í aukana en fyrirtækið hefur áður neitað fyrir meint tengsl þess við Ísraelsríki á opinberum vettvangi. 

Howard Schultz, forstjóri Starbucks, er af gyðingaættum og er sérstaklega tekið fram í tilkynningunni að hann styðji við hvoruga stríðandi fylkinguna.