11 ára stúlka lést í skemmtigarði

Ell­efu ára stúlka lét lífið í skemmtig­arðinum Holi­day Park í bæn­um Hassloch í Rínarhéraði Þýskalands í dag. Slysið átti sér stað í einu af leik­tækj­um garðsins en í tækinu, sem ber nafnið „Snúningstunnurnar“ setjast gestir í sæti sem svo snýst á ógnarhraða.

Nákvæm málsatvik eru ókunn að svo stöddu, ekki er vitað hvað bilaði í tækinu en lögreglan er með málið í rannsókn. Bráðaliðar á vettvangi sögðu lík stúlkunnar mjög illa leikið eftir slysið.

Fram kemur á vef þýska miðilsins The Local að stúlkan, sem var frá Hessen-fylki í Þýskalandi, hafi heimsótt garðinn ásamt móður sinn.

Holi­day Park ser einn vin­sæl­asti skemmtig­arður Þýska­lands og um millj­ón gestir heim­sækja garðinn á hverju ári.