Leita sérfræðings í súkkulaðifræðum

Aðdáendum súkkulaðis stendur til boða að sækja um starf sérfræðings í súkkulaðifræðum við háskólann í Cambridge. BBC greinir frá.

Um er að ræða doktorsstöðu í súkkulaðifræðum við efnaverkfræði- og líftæknifræðideild skólans.  Umsóknarfrestur er til 29. ágúst.

Hinn útvaldi á að rannsaka hvernig koma má í veg fyrir að súkkulaði bráðni í heitara loftslagi. Súkkulaði hefur svipað bræðslumark og mannslíkaminn.Verkefnið verður aðallega á formi tilrauna og má reikna með því að einhverjar þeirra þurfi að fara fram í sólarlöndum. Umsækjendur þurfa að búa yfir góðri stærðfræðikunnáttu.