Eftirlitsmenn halda aftur á vettvang

Stjórnvöld í Kænugarði fullyrða að aðskilnaðarsinnar eyðileggi sönnunargögn á svæðinu þar sem malasíska farþegaþotan hrapaði til jarðar á fimmtudag.

Þeir eru meðal annars sakaðir um að hafa rænt lík­um 38 farþega úr braki vélarinnar og að færa hluta vélarinnar yfir landamærin til Rússlands.

Úkraínsk stjórnvöld segja aðskilnaðarsinnana „hryðju­verka­menn með stuðning Rússa“ og halda þau því fram að  haldið fram að hryðju­verka­menn­irn­ir hafi farið með lík 38 farþega í lík­húsið í Dó­netsk þar sem rúss­nesk­ir sér­fræðing­ar ætluðu að hefja krufn­ingu. Í til­kynn­ing­u seg­ir enn frem­ur að með þessu séu Rúss­ar að reyna að eyða sönn­un­ar­gögn­um um stuðning sinn við alþjóðlega glæpi.

Þá hefur ríkisstjórn Malasíu lýst yfir áhyggjum af því að öryggi fólks í kringum slysstaðinn sé ekki nægilega tryggt. Á fréttamannafundi sem hún hélt fyrr í morgun kom fram að ófriðurinn í austurhluta Úkraínu hamlaði rannsókn slyssins, en tugir malasískra sérfræðinga komu þangað í gær.

Á fundi Öryggisráðsins í dag lagði Samantha Power,sendiherra Bandaríkjanna hjá SÞ, áherslu á að ekki mætti hrófla við sönnunargögnum eða verksummerkjum á svæðinu þar sem flugvélin fórst í gær. Samþykkt var á fundi milli fulltrúa aðskilnaðarsinna og úkraínska yfirvalda í gærkvöld að alþjóðlegum eftirlitsmönnum yrði veittur fullur aðgangur að svæðinu þar sem vélin fórst.

Á vef Guardian kemur fram að alþjóðlegt teymi eftirlitsmanna á vegum Öryggis- og samvinnustofnunar Evrópu var í dag sent til að rannsaka svæðið þar sem flugvélin fórst í gær en var haldið frá staðnum af hópi þungvopnaðra aðskilnaðarsinna, og þurfti frá að hverfa þegar aðskilnaðarsinnar skutu viðvörunarskotum að þeim. 

Eftirlitsmenn halda nú aftur á vettvang en ekkert bendir til þess að aðskilnaðarsinnar muni meina þeim aftur aðgang að flaki vélarinnar.