Sprengjusveit sænsku lögreglunnar kölluð út

Sprengjusveit sænsku lögreglunnar var kölluð út rétt fyrir hádegi vegna grunsamlegs pakka sem fannst um borð lest sem í grennd við stærstu lestarstöðina í Gautaborg. Lestarstöðin var rýmd og öll umferð í kringum hana var stöðvuð á tímabili. Sprengjusveit sænsku lögreglunnar eyddi pakkanum, en að sögn talsmanns lögreglunnar virðist pakkinn ekki hafa verið sprengja en var engu að síður eytt í varúðarskyni.

Þetta er í annað skiptið á stuttum tíma sem sprengjusveit sænsku lögreglunnar er kölluð út vegna sprengjuhættu. Á Á föstudaginn hótaði maður að sprengja sig í loft upp í Stokkhólmi. Sagt var frá því að maðurinn hafi verið gramur út í sænska stjórnmálaflokka og sagðist ætla að sprengja upp skrifstofur Sænska jafnaðarmannaflokksins og Moderaterne, sem er íhaldsflokkur.

Taka svona hlutum alvarlega

Lögreglumenn og sjúkrafluttningamenn voru kallaðir út í morgun, þegar tilkynnt var um þennan grunsamlega pakka.

„Við tökum svona hlutum mjög alvarlega,“ sagði Ulla Brehm, einn af yfirmönnum lögreglunnar í Gautaborg, við sænska fjölmiðla nú á ellefta tímanum.

Lögregla heldur áfram að rannsaka málið, en umferð á lestarstöðinni er komin aftur í fullan gang.