Upplýstu hundrað ára gamalt morðmál

Deild innan ítölsku lögreglunnar sem rannsakar fornfrægar mafíufjölskyldur í landinu handtók í dag 95 manns í tengslum við kúgun, fíkniefnasmygl og peningaþvætti.

Reuters greinir frá rassíunni.

Eftir tveggja ára rannsókn ákváðu lögreglan að láta til skarar skríða gegn meðlimum tveggja mafíuhópa í vesturhluta Palermo, stærstu borg Sikileyjar.

Í samtali við þarlenda fjölmiðla segir Calegro Scibetta ofursti að aðgerð af þessari stærðargráðu hafii ekki farið fram í landinu svo árum skiptir. Tvær mafíufjölskyldur hafi verið „þurrkaðar út“.

Ekki einungis hafi lögreglan haft hendur í hári stórtæks glæpahrings heldur hafi þau einnig varpað ljósi á hundrað ára gamalt morðmál sem hefur verið óupplýst til þessa.

Árið 2013 hleraði ítalska lögreglan samtal tveggja ungra mafíósa sem lágu undir grun í tengslum við fyrrgreindar aðgerðir. Í máli þeirra kom fram að annar þeirra hefði fagnað því að 100 ár voru liðin frá dauða bandaríska lögreglumannsins Giuseppe Petrosino sem komið hafði til eyjunnar árið 1909 til að rannsaka forfeður mannsins.

Petrosino hafði komið til Sikileyjar til að upplýsa lögregluyfirvöld heima fyrir um starfsemi mafíunnar, sem þá var betur þekkt sem „Svarta höndin“, en var ráðinn bani á torgi í Palermo skömmu eftir komu hans til borgarinnar

„Við höfum verið glæpamenn í hundrað ár“, sagði annar mannanna á upptökunni. „Frændi föður míns, sem hét Paolo Palazzotto, var sá fyrsti til að myrða lögreglumann í Palermo. Hann hét Joe Petrosino og var bandarískur,“ bætti hann við.

„Ungi mafíósinn lítur á glæpi forfeðra sinna sem heiðurstákn,“ lýsti Scibetta ofursti.

Frans páfi fordæmdi skipulagði glæpastarfsemi  landinu í ræðu sinni á laugardag og fór fram á að allir sem tengdust ítölsku mafíunni skildu útilokaðir úr söfnuðum kaþólsku kirkjunnar.