Fótbolti

Allir fengu núll nema Iniesta

Eiríkur Stefán Ásgeirsson skrifar
Vísir/Getty
Spánn féll úr leik á HM í Brasilíu í gær og skyldi engan undra þó svo að viðbrögð fjölmiðla þarlendis voru slæm í morgun.

„The End,“ skrifar Marca í fyrirsögn og bætir við að þetta sé óviðeigandi endir á glæsilegasta skeiði í sögu landsliðs þjóðarinnar.

„Annað hörmungarkvöld fyrir [Iker] Casillas,“ segir í annarri umfjöllun Marcan en spænski markvörðurinn hefur fengið sjö mörk á sig í fyrstu tveimur leikjum Spánar á mótinu.

„Þetta var gott á meðan þetta entist,“ sagði í fyrirsögn AS, sem og „Maracana markaði endalok hinnar glæsilegu kynslóðar.“

El Mundo Deportivo líkir tapinu í gær við þá ákvörðun Jóhanns Karls Spánarkonungs að láta nýverið af völdum en nýr konungur sver eið í dag.

Það telst ef til vill vera heppileg tímasetning þar sem fréttin um nýjan konung fær meiri athygli á forsíðum spænsku blaðanna í dag.

Spánn varð Evrópumeistari árin 2008 og 2012 og heimsmeistari þar að auki 2010. Spænsk félagslið hafa svo verið í fremstu röð þar að auki á þessum tíma og því hafa Spánverjar átt góðu að venjast.

Einkunnagjöf AS fyrir leikinn var einföld. Blaðið gefur 0-3 spaða fyrir frammistöðuna og fengu allir leikmenn byrjunarliðs Spánar engan spaða við sitt nafn nema Andrés Iniesta sem fékk einn. Varamennirnir Koke og Santi Cazorla fengu einnig einn spaða en ekki Fernando Torres.

Einkunnagjöf Marca má sjá hér fyrir neðan:

Byrjunarliðið:

Casillas 3,5

Azpilicueta 4

Javi Martinez 4,5

Sergio Ramos 4

Jordi Alba 4

Sergio Busquets 3,5

Xabi Alonso 3,5

Andres Iniesta 5,5

David Silva 4,5

Pedro 4,5

Diego Costa 4

Varamenn:

Koke 5,5

Torres 4,5

Cazorla 5,5

Þjálfarinn:

Del Bosque 4,5

HM 2014 í Brasilíu

Tengdar fréttir

Heimsmeisturunum hent heim

Heimsmeistarar Spánverja eru á heimleið. Það er ljóst þó svo enn eigi eftir að spila eina umferð í riðlakeppninni. Hörmulegir Spánverjar töpuðu gegn Síle í kvöld, 2-0.

Mest lesið


Fleiri fréttir

Sjá meira


×

Mest lesið