„Hann er bara svo siðblindur“

„Hann er bara svona „cult leader“, gaurinn sem gæti látið fólk drekka blásýru. Hann er bara svo siðblindur. Hann fer bara alla leið og einhvern veginn myndar ofboðslega mikil meðvirknisáhrif í kringum sig og það dansa bara allir í kringum hann eins og hann sé eitthvað jólatré“, sagði Valdís Rán Samúelsdóttir í viðtali við Harmageddon á X-inu í morgun.

„Þær voru allar að sveifla hárinu og öskra og hlaupa í hringi. Fólk var þarna í einhverjum tytringsköstum og að fljúga í gólfið. Ég hafði aldrei orðið vitni að svona, en fyrir mér var þetta kirkja og ég hugsaði:„ Ok, guð hlýtur að vera meira þarna heldur en annars staðar. Maður einhvern veginn fór inn í þetta og þetta var pínu spennandi líka“, sagði Valdís. 

Valdís telur að Gunnar muni reyna að verða leiðtogi Krossins á nýjan leik. „Já, já hann mun reyna að gera það af því að hann nennir ekki að vinna. Bara, þú veist, kærðu mig fyrir meiðyrði endilega sko, en þessi maður hefur aldrei nennt að vinna. Það er ekkert mál að sinna kirkju  þegar þú þarft ekki að gera rassgat nema káfa á konum og taka bara fullt af pening fyrir það.“

Viðtalið við Valdísi má hlusta á í heild sinni hér að ofan.