Defoe: Erfitt að lýsa því hvernig mér líður

Jermaine Defoe, framherji Toronto FC í bandarísku MLS-deildinni í fótbolta, er óhuggandi eftir að RoyHodgson valdi hann ekki í HM-hóp Englendinga fyrir heimsmeistarakeppnina í Brasilíu í sumar.

Defoe er ekki á meðal þeirra 23 sem fara til Brasilíu en hann er aftur á móti á biðlistanum og gæti dottið inn ef einhver af framherjunum fjórum sem valdir voru; WayneRooney, Daniel Sturridge, DannyWelbeck og RickieLambert, detta út vegna meiðsla.

„Það er erfitt að finna orð til þess að lýsa því hvernig mér líður. Mér fannst ég hafa gert nóg. Ég er í betra formi en nokkru sinni fyrr og hef verið að skora mörk,“ segir Defoe.

Þessi 31 árs gamli framherji hefur spilað 55 leiki fyrir enska landsliðið en hann færði sig frá Tottenham til Bandaríkjanna í febrúar í þeim tilgangi að spila meira. Hafði HM í Brasilíu stór áhrif á ákvörðun hans.

„Ég er alveg í rusli. Ég hélt ég þyrfti ekki að selja mig og mín afrek fyrir þjálfaranum,“ segir Jermaine Defoe.