Krefjast eins mánaðar gæsluvarðhalds yfir piltunum fimm

Stefán Árni Pálsson skrifar 15. maí 2014 15:51

Lögreglan krefst þess að gæsluvarðhald yfir piltunum fimm sem grunaðir eru um að hafa nauðgað sextán ára stúlku þar síðustu helgi verði framlengt um einn mánuð samkvæmt heimildum Vísis.

Gæsluvarðhaldsúrskurður sem staðfestur var fimmtudaginn 8. maí rennur út í dag klukkan fjögur.

Drengirnir fimm hafa verið í einangrun á Litla Hrauni frá 9. maí og hafa yfirheyrslur staðið yfir síðan.

Piltarnir eru á aldrinum 17 til 19 ára. Stúlkan kærði nauðgunina til lögreglu á þriðjudaginn 6. maí. Í kjölfar kærunnar voru piltarnir handteknir og í greinargerð lögreglu kemur fram að símar þeirra og tölvur hafi verið haldlagðar.

Kærðu hafi allir gengist við því að hafa haft samfarir við stúlkuna en sagst hafa talið það hafa verið með hennar samþykki. Kærðu beri þó ekki saman um atburðinn og atburðarás tengda honum.

Atvikið mun hafa átt sér stað í Breiðholti aðfaranótt sunnudagsins 4. maí. Það mun hafa verið tekið upp á myndband af einum hinna fimm og gengið á milli fólks síðan verknaðurinn átti sér stað.

Það mun þó ekki vera aðgengilegt á internetinu en lögregla hefur það undir höndum.

Tengdar fréttir

Fimmmenningarnir nafngreindir á Facebook

Sex piltar voru upphaflega handteknir vegna gruns um hópnauðgun.

9. maí 2014 16:08

Börn eru höfð í einangrun á Litla-Hrauni

Fjórir af fimm sakborningum í hópnauðgunarmálinu eru undir lögaldri. Þeir eru allir í einangrun

14. maí 2014 09:30

Myndband af hópnauðguninni í dreifingu á netinu

Fimm piltar voru leiddir fyrir dómara í gær vegna ásakana um hópnauðgun. Piltarnir eru á aldrinum sautján til nítján ára.

9. maí 2014 10:08

Hópnauðgun í Breiðholti: "Þegar menn lýsa yfir sakleysi ættu þeir ekki að vera hræddir við að myndbönd komi í leitirnar"

Fjórir af mönnunum fimm sem kærðir voru fyrir hópnauðgun í Breiðholti um helgina eru undir lögaldri og Barnaverndarnefnd er komin í málið.

9. maí 2014 17:33

Fimm piltar handteknir vegna hópnauðgunar

Fórnarlambið er sextán ára menntaskólastúlka. Dómari í héraðsdómi hefur tekið sér frest til morguns til að ákveða um gæsluvarðhald. Ungu mennirnir eru í haldi lögreglu og verða vistaðir í fangageymslum í nótt.

8. maí 2014 16:07

Skaðinn margfaldast ef voðaverkið er tekið upp á myndband

Það getur margfaldað sálarangist þeirra sem nauðgað er ef voðaverkið er tekið upp á myndband og því síðan dreift, segir sálfræðingur.

10. maí 2014 19:30

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.