Auðvelt hjá Fylki en jafnt hjá KV og Víkingi

1. deildarlið KV nældi í stig í kvöld í Lengjubikarnum gegn Pepsi-deildarliði Víkings. Lokatölur 2-2.

Það var Brynjar Orri Bjarnason sem skoraði jöfnunarmark KV sex mínútum fyrir leikslok að því er fram kemur á urslit.net. Atli Jónasson, markvörður KV, skoraði fyrra markið fyrir sitt lið. Agnar Darri Sveinsson skoraði seinna mark Víkings en ekki er vitað hver skoraði fyrra markið.

KV komst upp í fimmta sæti riðils 3 í A-deild með sigrinum en þetta var leikur í lokaumferð. Víkingur komst á toppinn en Stjarnan getur unnið riðilinn en liðið spilar gegn Víkingi Ó. á morgun.

Fylkir vann svo auðveldan 3-0 sigur á Þrótti. Hákon Ingi Jónsson og Egill Trausti Ómarsson á skotskónum fyrir Fylki sem tryggði sér þriðja sæti riðils 2.