3.000 kjúklingar eltir af lögreglu

Lögreglumenn í Guizhou-héraði í Kína lentu í miklu ævintýri á dögunum þegar flutningabíll með 3.000 kjúklingum valt á hliðina á hraðbraut.

Flestir fuglanna sluppu úr búrum sínum við veltuna, en ökumaður bílsins missti stjórn á honum í þoku. Veginum var lokað og gerðu lögreglumennirnir sitt besta til að fanga fiðurféð.

Þeir náðu hins vegar aðeins um 900 kjúklingum og eru því rúmlega 2.000 fuglar sem eru líklega frelsinu fegnir.

Myndband af þessum spaugilegu björgunaraðgerðum má sjá í spilaranum hér fyrir neðan.