Funda um mögulega lausn

Mótmælendur í Úkraínu þurftu að hverfa á braut fyrir utan dómsmálaráðuneytið eftir að dómsmálaráðherra hafði hótaði að setja neyðarlög í landinu.

Janúkóvitsj, forseti Úkraínu, fundar nú með leiðtogum stjórnarandstöðunnar í þeirri von að finna lausn á deilunum sem hafa staðið yfir undanfarnar vikur í landinu.

Mótmælendurnir hafa staðið fyrir utan dómsmálaráðuneytið og mótmælt af mikilli ákefð. Það var síðan ákveðið að yfirgefa staðinn svo möguleiki væri á sáttum milli stjórnarandstæðinga og Janúkóvitsj.

Um helgina hafnaði leiðtogi mótmæenda, Areseniy Yatsenyuk, tilboði Janúkóvitsj forseta að hann verði forsætisráðherra og sagði kosningar einu leiðina til að lægja öldurnar.