Björgólfur Takefusa heim í Þrótt

Björgólfur Takefusa er kominn heim í Þrótt og mun leika með liðinu í 1. deild karla í fótbolta, en hann hefur fengið félagaskipti frá Fram á lánssamningi.

Björgólfur eru uppalinn Þróttari, en hann spilaði síðast með liðinu í efstu deild árið 2003 og varð þá markakóngur deildarinnar með tíu mörk.

Eins og frægt er var Þróttur efstur eftir fyrri umferðina en féll samt sem áður úr deildinni. Liðið var með tvo leikmenn sem skoruðu tíu mörk; Björgólf og Danann SörenHermansen.

Björgólfur spilaði átta leiki með Fram í Pepsi-deildinni án þess að skora mark, en hann var í röðum Vals á síðustu leiktíð. Þar entist hann einnig aðeins hálft tímabil.

Hann hefur einnig spilað með KR, Víkingi og Fylki og á að baki 116 mörk í 262 leikjum í efstu tveimur deildum Íslandsmótsins sem og í bikarkeppnum.