Prayuth tekur við embætti

Hershöfðinginn Prayuth Chan-ocha, sem hrifsaði til sín völdin í Taílandi fyrir þremur mánuðum, hefur formlega tekið við embætti forsætisráðherra í landinu eftir að hafa fengið stuðning frá konunginum, Bhumibol Adulyadej.

Þar með er Prayuth orðinn 29. forsætisráðherra Taílands. Bhumibol, sem er 89 ára og við slæma heilsu, var ekki viðstaddur athöfnina.



Taílenska þingið kaus hinn sextuga hershöfðingja einróma í embættið í síðustu viku. Hann hefur í raun gegnt starfi forsætisráðherra síðan í maí en mun hætta sem hershöfðingi í næsta mánuði.

Hinn 22. maí síðastliðinn leiddi Prayuth uppreisn þar sem herinn steypti lýðræðislega kjörinni ríkisstjórn landsins af stóli. Hann sagði ástæðuna fyrir uppreisninni hafa verið nauðsynlega til að binda endi á eins og hálfs árs langa pattstöðu á milli mótmælenda og ríkisstjórnarinnar og til að koma í veg fyrir meira ofbeldi af hálfu mótmælenda sem hefur kostað tugi manns lífið, auk þess sem hundruð hafa særst.

Prayuth hefur látið hafa eftir sér að kosningar verði haldnar á næsta ári.