Svínskökk í stíum sínum

William von Scheneidau, bóndi í í Seattle í Bandaríkjunum, hefur hafið framleiðslu á Marijuanaöldum svínum og kallar afurðina Pot-Pig, en marjuana gengur jafnan undir nafninu Pot í Bandaríkjunum.

Scheneidau hefur gert tilraunir með að ala nokkrar dýrategundir á marjuana ásamt öðru fóðri. Sjálfur er hann ekki neytandi plöntunnar en fékk hugmyndina þegar eigandi marjuana dreifimiðstöðvar sagði stilka og og afgangslauf hrannast upp eftir að marjuana var lögleitt á svæðinu.

Svínabóndinn segir að svín sem fái marjuana í fóðrinu séu mun rólegri en önnur svín. Þau liggi bara makindarlega í stíum sínum og njóti dagsins. Vegna þessa þyngist þau mun hraðar en önnur svín eða um 20 prósent hraðar, þótt þau borði ekki meira en venjuleg svín. Þá segi þeir sem borði kjöt af marjuana öldum svínum að kjötið sé safaríkara en af svínum á hefðbundnu fóðri.