Erlent

Áttræð kona dæmd fyrir hryðjuverk

Guðsteinn Bjarnason skrifar
Sonja Suder bíður dómsúrskurðar.
Sonja Suder bíður dómsúrskurðar. Mynd/AP
Sonja Suder var í morgun dæmd í þriggja og hálfs árs fangelsi fyrir þátttöku sína í þremur íkveikjum árin 1977 og 1978.

Hún var hins vegar sýknuð af þátttöku í mannskæðri árás á höfuðstöðvar OPEC í Vínarborg árið 1975.

Suder er orðin áttræð. Hún flúði til Frakklands árið 1978 en var framseld þaðan til Þýskalands árið 2011.

Hún tók þátt í starfsemi róttækra vinstri manna, í samtökum sem nefndu sig Byltingarsellurnar og starfaði á áttunda og níunda áratug síðustu aldar.

Það var dómstóll í Frankfurt sem kvað upp dóm í málinu.

Mest lesið


Fleiri fréttir

Sjá meira


×

Mest lesið