Örvænting grípur um sig á Filipseyjum

Ástandið á þeim svæðum sem verstu urðu úti í fellibylnum Haiyan sem gekk yfir Filippseyjar á föstudag er grafalvarlegt og örvænting er að grípa um sig meðal þeirra sem komust af.

Í tilkynningu frá Barnaheillum segir að aðeins þeir sterkustu muni komast af ef ekki takist að koma hjálpargögnum sem fyrst til fólks. Starfsfólk samtakanna líkir eyðileggunni á Filippseyjum við ástandið í Indónesíu eftir jarðskjálftann sem orsakaði flóðbylgju árið 2004. Sums staðar séu allt að 80% bygginga eyðilaggðar.

Tala látinna hækki stöðugt og rúmlega 630 þúsund manns hafi flúið heimili sín, þar af séu 447 þúsund í neyðarskýlum. Yfirvöld á Philippseyjum segja að tæplega 10 milljónir manna hafi orðið fyrir fellibylnum og Barnaheill - Save the Children áætla að af þeim séu 3,9 milljónir barna, þannig séu meira en tvær milljónir manna í mikilli þörf fyrir mat, húsaskjól, hreint vatn og aðrar nauðsynjar.

Barnaheill – Save the Children á Íslandi hafa hafið neyðarsöfnun vegna ástandsins. Hægt er að hringja í söfnunarsímana 904-1900 og 904-2900 og styðja starfið um 1.900, eða 2.900 krónur eða leggja inn á söfnunarreikning 336-26-58, kt. 521089-1059.