Síðast drapst 13 ára gamall tígur

Vírus hefur lagt sjö stór kattardýr að velli í dýraathvarfi í Texas í Bandaríkjunum. Nú síðast drapst tígrisdýrið Tacoma, sem sagt er hafa verið „sálin“ í athverfinu.

Lisa Williams, talskona In-Sync Exotics Wildlife Rescue and Education Center í Wylie, úthverfi Dallas, sagði Tacoma hafa drepist á aðfaranótt mánudags.

Tígrisdýrið, sem var 13 ára gamalt og um 180 kíló að þyngd, var sjötta tígrisdýrið til að drepast, en að auki hefur ein ljónynja drepist. Þá eru á á annan tug stórra katta plagaðir af sjúkdómnum.

Talið er að þeir hafi smitast af þvottabjörnum sem leitað hafi að æti í búrum þeirra.