Cardiff fékk á sig jöfnunarmark í lokin

Cardiff gerði sitt annað jafntefli í röð í ensku B-deildinni en liðið mætti Barnsley á heimavelli í kvöld.

Ben Turner kom Cardiff yfir á 59. mínútu en Stephen Foster skoraði jöfnunarmarkið á lokamínútu venjulegs leiktíma.

Heiðar Helguson kom inn á sem varamaður í leiknum og fékk gott færi rétt áður en jöfnunarmarkið kom.

Aron Einar Gunnarsson spilaði allan leikinn og átti til að mynda skot að marki sem var varið á línu.

Cardiff er með 80 stig í efsta sæti deildarinnar og er níu stigum á undan Watford, sem er í þriðja sætinu. Barnsley er í nítjánda sæti.