Kambódía deilir við Taíland

Kambódía hefur fengið fullveldi yfir hofinu Preah Vihear en landið hefur átt í langri deilu við Taíland um yfirráðarétt yfir hofinu.

Alþjóðadómstóllinn í Haag dæmdi í dag Kambódíu yfirráðaréttinn og gerði Taílendingum að fjarlægja alla sína hermenn af svæðinu.

UNESCO setti hofið á heimsminjaskrá sína árið 2008 og kallaði það einstakt meistaraverk.

Forsætisráðherra Taílands sagði ákvörðunina fullnægjandi fyrir báða aðila og að löndin myndu vinna saman við að fullnægja úrskurðinum.