Erlent

Ástand heimsins

Óli Kristján Ármannsson skrifar
Þjóðverjar minntust í gær dagsins árið 1990 þegar Vestur- og Austur-Þýskaland sameinuðust á ný að kalda stríðinu loknu. Dagurinn nefnist Tag der Deutschen Einheit. Winfried Kretschmann, forsætisráðherra þýska sambandslandsins Baden-Wuerttemberg, og Angela Merkel Þýskalandskanslari sjást hér mæta til hátíðarhalda í Stuttgart í gær.
Þjóðverjar minntust í gær dagsins árið 1990 þegar Vestur- og Austur-Þýskaland sameinuðust á ný að kalda stríðinu loknu. Dagurinn nefnist Tag der Deutschen Einheit. Winfried Kretschmann, forsætisráðherra þýska sambandslandsins Baden-Wuerttemberg, og Angela Merkel Þýskalandskanslari sjást hér mæta til hátíðarhalda í Stuttgart í gær. Nordicphotos/AFP
Í „Ástandi heimsins“, sem einnig birtist á síðum Fréttablaðsins í dag, er litið við í Þýskalandi, Frakklandi, Taílandi, Ísrael og á Indlandi.

Gestir skoða líkan hraðlestar við opnun tíundu alþjóðlegu lestarsamgöngusýningarinnar í Nýju-Delí á Indlandi í gær. Að sýningunni og ráðstefnu sem haldin er um leið standa Samtök iðnaðarins á Indlandi í samvinnu við ráðuneyti lestarsamgangna þar í landi.Nordicphotos/AFP
Búddamunkar fleyta báti við musteri í Ajútthaíja-héraði norður af Bangkok í gær. Almannavarnaráðuneyti landsins greindi í gær frá því að enn væru 25 héruð plöguð af flóðum og 27 manns hefðu látið lífið af þeirra völdum.Nordicphotos/AFP
Í gær funduðu í Japan Chuck Hagel varnarmálaráðherra Bandaríkjanna og John Kerry utanríkisráðherra með Shinzo Abe, forsætisráðherra Japan, Fumio Kishida utanríkisráðherra og Itsunori Onodera, ráðherra varnarmála. Fundurinn fór fram í bústað forsætisráðherrans í Tókýó. Bandarísku ráðamennirnir voru í Japan til að sækja fund um sameiginleg varnarmál ríkjanna, en hann fór fram fyrr um daginn.Nordicphotos/AFP
Örfárra stunda gamall fílsungi stendur hér hjá móður sinni, „La Petite“, í Ramat Gan Safari-dýragarðinum í Tel Aviv. Fílarnir eru af indverskri tegund. Talsmaður dýragarðsins sagði í gær að kálfurinn litli væri líklega kvenkyns og hefði ekki enn verið gefið nafn.Nordicphotos/AFP
Lögreglumenn standa vörð á meðan Rómafólk yfirgefur búðir í Roubaix í Frakklandi í gærmorgun. Francois Hollande Frakklandsforseti reyndi í gær að bera klæði á vopn í ráðherraliði sínu en náði ekki að setja niður deilur innan ríkisstjórnarinnar vegna meðferðar yfirvalda á flökkufólki.Nordicphotos/AFP

Mest lesið


Fleiri fréttir

Sjá meira


×

Mest lesið