Barbie fékk kaldar móttökur

Kvenréttindasamtök mættu á Alexandertorg í Berlín með brennandi dúkku á krossi við opnun á nýju draumahúsi Barbie þar í borg. Mótmælendur hrópuðu „það er skítalykt af bleiku“ og voru mun fleiri en aðdáendur þessarar frægu leikfangadúkku en innandyra er líkt eftir vistarverum Barbie.

Mótmælin snúa að því, að í húsinu sé haldið á lofti gömlum klisjum um hlutverk karla og kvenna. Þetta er annað Barbie-húsið sem er opnað, en annað slíkt var opnað nýlega í Flórída í Bandaríkjunum. Húsið í Berlín verður opið fram í ágúst þangað til það leggur í sýningarferð um Evrópu.