Bylting fyrir sjúklinga með lifrarbólgu C

Nýlegar rannsóknir benda til þess að búið sé að finna nýjar meðferðir við lifrarbólgu C. Ein hinna nýju meðferða tekur 12 vikur og meðferðin virkar á yfir 90% sjúklinga.

Samkvæmt upplýsingum frá Embætti landlæknis taka núverandi meðferðir marga mánuði, hafa í för með sér töluverðar aukaverkanir og virka ekki á eins marga og hin nýja meðferð. Sjúkdómurinn hefur breiðst mikið út á Íslandi á síðustu árum með þeim hætti að fíkniefnaneytendur deila óhreinum sprautunálum, en það er ein helsta smitleið sjúkdómsins.