Rannsóknarblaðamenn vilja á þing

Julian Assange, stofnandi WikiLeaks, hefur boðað framboð sitt í þingkosningum sem verða í Ástralíu seinna á þessu ári.

Þetta er þrátt fyrir að Assange hafi setið fastur í sendiráði Ekvador í London nú í meira en ár. Hann lætur það ekki stöðva sig og ætlar ótrauður í framboð í Viktoríu í Ástralíu.

Assange tilkynnti í dag um að nýr stjórnmálaflokkur hans hafi verið formlega stofnaður og ætli fram. Assange lét þess getið, við sama tækifæri, að myndi flokkur hans sigra þýddi það að helstu rannsóknarblaðamenn Ástralíu yrðu þingmenn, sem Assagne telur uppskrift að gegnsæi í stjórnsýslunni; réttlæti og ábyrgð.

Helstu mál flokksins eru skattamál, málefni hælisleitenda og loftlagsbreytingar.