Valskonur eiga titilinn vísan

Valur er nánast öruggt um að verða Reykjavíkurmeistari kvenna í knattspyrnu eftir 5-0 sigur á Fylki í kvöld.

Bæði lið voru taplaus fyrir leiki kvöldsins en alls leika sjö lið í mótinu og stendur stigahæsta liðið uppi sem sigurvegari.

Valur og Fylkir eru bæði með fimmtán stig en Valskonur eiga leik til góða gegn Þrótti síðar í mánuðinum. Fylkir hefur spilað alla sína leiki á mótinu.

Valur er með markatöluna 30-0 og þyrfti að tapa með 25 marka mun fyrir Þrótti í lokaleik sínum í mótinu til að missa titilinn til Fylkiskvenna.