Bandaríkin svipt atkvæðisrétti í UNESCO

Bandaríkin hafa verið svipt atkvæðisrétti sínum í UNESCO, menningarmálastofnun Sameinuðu þjóðanna. 

Í dag rann út sá frestur sem Bandaríkin höfðu til þess að standa skil á gjöldum sínum til stofnunarinnar, eða gefa ella fullnægjandi skýringar á þeim töfum sem orðið hafa á greiðslum, en í þrjú ár hafa Bandaríkin neitað að greiða gjöldin.

Ástæðan er sú að Bandaríkin eru ósátt við að Palestína hefur fengið aðild að UNESCO sem fullvalda ríki.

Bandaríkin geta nú ekki tekið þátt í ákvörðunum um úthlutun fjármagns frá UNESCO, en stofnunin styrkir margvísleg menningar-, mennta- og vísindaverkefni víða um heim.