Erlent

Maður grafinn lifandi

Erla Björg Gunnarsdóttir skrifar
Manninum hafði tekist að koma höfði og höndum upp úr gröfinni.
Manninum hafði tekist að koma höfði og höndum upp úr gröfinni.
Kona nokkur sem fór að vitja fjölskyldugrafreits í kirkjugarði nokkrum í Sao Paulo's Ferraz de Vasconcelos í Brasilíu lenti heldur betur í óvæntri uppákomu.

Hún heyrði skrýtin hljóð og sá mold hreyfast við eina gröfina. Þá sá hún mann, sem hafði verið grafinn lifandi, að reyna að komast upp úr gröfinni.

 Frá þessu greinir meðal annars HuffingtonPost.

 Konan lét yfirvöld tafarlaust vita og var sjúkralið sent á staðinn til að grafa manninn upp. Hann hafði náð að koma höfði og höndum upp úr gröfinni en fékk aðstoð við restina eins og sést á myndbandinu hér fyrir neðan.

 Maðurinn er starfsmaður í ráðhúsi borgarinnar og ekki er enn vitað hvernig kom til að maðurinn var grafinn lifandi. Farið var með manninn á sjúkrahús eftir að honum var náð upp úr gröfinni. Yfirvöld hafa staðfest málið án þess þó að gefa upp hvernig ástand mannsins sé eftir grafarleguna.

Mest lesið


Fleiri fréttir

Sjá meira


×

Mest lesið