Norðurpóllinn bráðnar á ógnarhraða

Myndir úr vefmyndavél sem sýna sama stað sunnarlega á Norðurpólnum með þriggja mánaða millibili fara nú eins og eldur í sinu um netið.

Mynd sem tekin er í apríl sýnir pólinn snævi þakinn eins og hann á að sér að vera, en mynd sem tekin er í júlí sýnir að jökullinn hefur hreinlega breyst í grunnt stöðuvatn. Vatnið er rúmlega 30 sentímetra djúpt og situr ofan á íslagi.

Alþjóðleg vísindastofnun hefur fylgst grannt með svæðinu síðan 2000. Eftirlitið hefur leitt í ljós að Norðurpólinn hefur verið að bráðna frá árinu 2002, og er júlí ævinlega heitasti mánuðurinn. Grunn vötn hafa myndast á þessum tíma, en jökullinn tekur svo yfirleitt við sér aftur þegar kólna fer á ný.

Júlímánuður hefur þó aldrei verið jafn heitur og í ár, þar sem hitastig er einni til þremur gráðum yfir meðaltali.

Á flettimyndinni hér að neðan er hægt að sjá breytinguna á svæðinu á magnaðan hátt.

Huffington Post greinir frá þessu.