Kaup kaupanna eiga afmæli í dag

Sir Alex Ferguson, þá knattspyrnustjóri Manchester United í sex tímabil án meistaratitils, datt heldur betur í lukkupottinn 26. nóvember fyrir 21 ári síðan.

Ferguson keypti þá Frakkann Eric Cantona fyrir 1,2 milljónir pund frá þáverandi Englandsmeisturum í Leeds United. Það mörgum á óvart að Howard Wilkinsson var tilbúinn að selja franska framherjann.

Eric Cantona hjálpaði Leeds að vinna enska meistaratitilinn tímabilið áður og var búinn að skora 11 mörk í 20 leikjum á tímabilinu þar af þrennu á móti Liverpool í leiknum í Góðgerðaskjöldinn.

Eric Cantona spilaði í fimm tímabil með Manchester United, varð fjórum sinnum Englandsmeistari og vann tvisvar tvöfalt. Eina tímabilið sem United vann ekki titilinn með hann innanborðs var þegar hann var dæmdur í átta mánaða bann fyrir að ráðast á stuðningsmann Crystal Palace.

Cantona skoraði alls 85 mörk í 185 leikjum fyrir Manchester United frá 6. desember 1992 til 11. maí 1997 þegar hann hætti að spila aðeins þrítugur.