Logandi lestarbrú hrundi til jarðar

Slökkviliðsstjórinn Jamie Smart í slökkviliðinu í bænum Lometa í Bandaríkjunum náði mögnuðu myndbandi af lestarbrú sem hrundi. Brúin var yfir Colarado ánni milli bæjarnna San Saba og Lometa í Texas.

Slökkviliðsmenn höfðu reynt að slökkva eldinn í fimmtán klukkustundir, en þegar það gekk ekki ákváðu þeir að leyfa henni að brenna til grunna.

Talið er að það muni kosta rúmlega hundrað milljónir íslenskra króna að endurbyggja brúna en ekki er vitað hvernig það kviknaði í henni. Brúin var byggð árið 1910 og er því 103 ára gömul. Sjónarspilið er nokkuð mikilfenglegt og mælum við með myndbandinu hér fyrir ofan.