WikiLeaks mun birta fleiri uppljóstranir frá Snowden

Uppljóstrarinn Edward Snowden nýtur fulltingis WikiLeaks og Julian Assange sem ætlar að leggja Snowden lið við að koma frekari upplýsingum á framfæri.

Assagne sagði að mál Snowdens sé til skoðunnar hjá WikiLeaks og þeir þar hafi fulla samúð með málstað hans. Þetta kom fram á blaðamannafundi sem Assange hélt í gær en þar er hann meðal annars að vísa til fundar sem Kristinn Hrafnsson með fulltrúum Hönnu Birnu Kristjánsdóttur innanríkisráðherra, eins og fram hefur komið í fréttum íslenskra fjölmiðla.

"WikiLeaks hefur þegar lagt sitt af mörkum til að greiða leið Snowdens með að fá hæli á Íslandi. Við höfum verið í sambandi við Snowden og höfum lagt honum lið," sagði Assange á fundinum. Við sama tækifæri gaf Assange það til kynna að WikiLeaks muni birta frekari uppljóstranir frá Snowden.