Eitrað var fyrir Arafat

Arabíska fréttastöðin Al Djasíra hefur birt skýrslu svissneskra vísindamanna, sem hafa komist að því að eitrað hafi verið fyrir Jasser Arafat, leiðtoga Palestínumanna.

Arafat lést í október árið 2004 í Ramallah á Vesturbakkanum, þar sem hann hafði verið að mestu einangraður í bústað sínum í tvö ár vegna umsátur Ísraelshers.

Hann var jarðaður í París, en í nóvember á síðasta ári var lík hans grafið upp vegna gruns um eitrun.

Rannsóknir hafa nú staðfest að geislavirka efnið pólon fannst í miklu magni í líkamanum. Nánar tiltekið er magnið átjánfalt það, sem eðlilegt má teljast, að því er Al Djasíra hefur eftir Dave Barcley, breskum vísindamanni.

„Jasser Arafat lést úr póloneitrun,” segir Barcley.

Suha Arafat, ekkja Jassers, fékk skýrsluna afhenta á þriðjudag, en það var hún sem fór upphaflega fram á að lík hans yrði grafið upp og rannsókn gerð.