Lestarstjórinn fyrir dómara í dag

Lestarstjórinn sem var við stjórnvölin þegar lest fór út af teinunum í suðvesturhluta Spánar fyrr í vikunni verður dreginn fyrir dómara í dag. Staðfest tala látinna er 78 og er þetta eitt versta lestarslys síðari tíma í Evrópu.

Francisco Jose Garzon Amo hefur verið í haldi lögreglu frá þv í á miðvikudag. Þá fór lest sem hann ók út af sporinu við Santiago de Compostela. Tæplega áttatíu fórust í hörmungum.

Lestin var mikilli ferð, langt yfir hámarkshraða. Átta vagnar, með um tvö hundruð farþega innanborðs, höfnuðu á steyptum vegg. Að minnsta kosti 130 slösuðust, þarf 30 lífshættulega. Sjálfur hlaut lestarstjórinn höfuðáverka.

Grunur leikur á að Amo, sem 52 ár gamall og reynslumikill lestarstjóri, hafi ekið lestinni á tvöföldum hámarkshraða. Stjórnendur lestarfyrirtækisis hafa staðfest að lestin sem um ræðir hafi verið í góðu ástandi, mannleg mistök séu því ástæðan fyrir slysinu.

Stuttu eftir að Amo var handtekinn sagði hann lögreglumönnum að hann hafi gert hræðileg mistök og að hann eigi skilið að deyja. Að öðru leyti hefur lestarstjórinn ekki viljað tjá sig við fjölmiðla.

Upplýsingariti lestarinnar er nú hjá rannsakendum og mun dómari málinu kynna sér gögn af honum næstu daga.

Amo verður færður fyrir dómara í dag og þar verður ákveðið hvort að lestarstjórinn fær stöðu sakbornings eða ekki.