Bandaríkjamenn stunda tölvunjósnir í Kína

Yfirlýsingar Edward Snowden, fyrrum leyniþjónustumanns, í viðtali við South China Morning Post í dag, þess efnis að bandaríska leyniþjónustan CIA stundi tölvunjósnir í Kína, hafa valdið talsverðum usla.

Bandaríkjamenn hafa lengi sakað Kínverja um þetta hið sama en netöryggi var meðal efnis viðræðna Baraks Obama Bandaríkjaforseta og Xi Jinping forseta Kína á fundi þeirra í Kaliforniu í síðustu viku.

Talið er fyrirliggjandi að uppljóstranir Snowdens muni hafa áhrif á samskipti stórveldanna. Snowden flúði til Hong Kong þann 20. maí og berst nú gegn því að verða framseldur til Bandaríkjanna. Kínversk stjórnvöld hafa ekki tjáð sig um málefni Snowdens en í leiðara China Daily, málgagn kínverskra stjórnvalda, er vísað til Snowdens og sagt að þetta sé ekki í fyrsta skipti sem lögbrot bandarískra stofnana komi á daginn.