Spreyjað á drottninguna

Óprúttinn aðili olli skemmdum á málverki af Elísabetu II Englandsdrottningu sem hefur verið til sýnis í Westminster Abbey í London.

41 árs karlmaður er í haldi lögreglu vegna gruns um spellvirkið, en málverkið var skemmt með málningu úr úðabrúsa.

Málverkið er eftir ástralska listamanninn Ralph Heimans og var málað í tilefni af sextíu ára krýningarafmæli drottningarinnar sem haldið var fyrir rúmri viku.

Unnið er að viðgerðum á verkinu og hafa baráttusamtökin Fathers 4 Justice staðfest að meðlimur samtakanna liggi undir grun. Mótmælin séu þó ekki á vegum samtakanna sjálfra.

Konungsfjölskyldan mun ekki tjá sig um málið.