Indverjar skjóta upp flaug til Mars í dag

Indverska geimferðamiðstöðin í kynnti í gær áform um að senda geimfar til Mars.

Geimfarinu verður skotið upp í dag og tekur ferðin þrjú hundruð daga. Farið verður umhverfis reikistjörnuna og andrúmsloft hennar og jarðfræði könnuð.

Til þessa hafa Bandaríkjamenn, Rússar og Evrópusambandið sent geimfar til Mars, en engum þeirra tókst þó að ná árangri í fyrstu tilraun.

Meira en helmingurinn af tilraunum jarðarbúa til að senda far til Mars hefur mistekist, eða 23 af 40 tilraunum. Japanar gerðu misheppnaða tilraun árið 2009 og Kínverjar árið 2011.

Takist Indverjum ætlunarverk sitt bætist flaug þeirra, sem heitir Mangalyaan, við flaugar frá Bandaríkjunum, Rússlandi og Evrópusambandinu, sem nú þegar eru á braut umhverfis Mars.



Uppfært kl. 13: Flaugin lagði af stað frá eyjunni Sriharikota í hádeginu. Hér fyrir neðan má sjá myndband af flugtakinu.