Ótrúlegt myndband næst af flugslysi

Níu fallhlífastökkvarar komust naumlega lífs af þegar flugvélar þeirra flugu hvor á aðra í Wisconsin-fylki í  Bandaríkjunum síðustu helgi. Nú hefur komið fram myndband af slysinu, tekið úr myndavélum sem stökkvararnir höfðu í hjálmum sínum.

Flugvélarnar rákust hvor á aðra í miðju flugi með þeim afleiðingum að eldur kviknaði í annarri þeirra. Nímenningarnir neyddust til að yfirgefa vélarnar og stökkva til jarðar, að undanskildum öðrum flugmanninum sem tókst að lenda sinni vél.

Eins og sést á myndbandinu voru nokkrir stökkvaranna enn um borð þegar kviknaði í væng annarar vélarinnar. Ótrúlegt þykir að ekki hafi verr farið.