Þrír myrtir í Noregi

 Atvikið átti sér stað á fáförnum fjallvegi nálægt bænum Ardal í Vestur Noregi.

Aðeins þrír voru í rútunni á tíma árásarinnar - tveir farþegar, karlmaður um fimmtugt frá svíþjóð og 19 ára norsk stúlka ásamt sænskum bílstjóra en þau létust öll af sárum sínum.

Árásarmaðurinn er 31 árs að aldri frá Suður Súdan og var handtekinn rétt eftir sjö að staðartíma af slökkviliðsmönnum en talið var í fyrstu að um umferðarslys að væri að ræða.

Sjónarvottar sem komu að rútunni stuttu eftir að maðurinn réðst á farþegana tilkynntu lögreglu að um árás væri að eiga sér stað í rútunni þegar þau sáu móta fyrir manninum, vopnuðum hníf, þar inni.

„Það tók mig örlítinn tíma að átta mig á hvað væri að gerast. Þetta er ekki í fyrsta skipti sem við upplifum sorgaratburð hér á svæðinu svo að ég hef áhyggjur af samfélaginu hérna og hvernig andrúmsloftið eigi eftir hér í kjölfarið. Þetta er bara ótrúlega sorglegt.“



Maðurinn sýndi engan mótþróa við handtökuna en hann var fluttur á sjúkrahús svo að hægt væri að gera að sárum hans sem hann hlaut í árásinni. Yfirheyrslur lögreglu standa nú yfir. Ekki er talið að maðurinn hafi tengst fórnarlömbunum á nokkurn hátt en umsókn mannsins um hæli í Noregi hafði verið hafnað og flytja átti hann úr landi þennan sama dag og árásin átti sér stað.