Læknar hafa aðstoðað við pyntingar í bandarísku herfangelsum

Læknar og hjúkrunarfræðingar hafa undir skipunum bandaríska hersins tekið þátt í misþyrmingum og pyntingum á grunuðum hryðjuverkamönnum. Þessu er haldið fram af sjálfstæðri rannsókn í Bandaríkjunum og sagt er frá á vef BBC.

Skýrslan var unnin af sérfræðingum í hernaði, siðferði, læknafræði og lögfræði. Þar segir að þátttakan hafi verið í formi þróunar og framkvæmdar á pyntingaraðferðum sem og beinni þátttöku í pyntingum. Bæði Leyniþjónusta Bandaríkjanna og yfirvöld hersins hafa neitað niðurstöðum rannsóknarinnar.

Í skýrslunni segir að þátttaka lækna og hjúkrunarfræðinga hafi byrjaði í bandarískum fangelsum í Afganistan, Guantanamo á Kúbu og eftir árásirnar á World trade center þann 11. september 2001.

Vatnspyntingar hafa ekki verið bannaðar og heilbrigðissérfræðingar eru fengnir til að neyða mat ofan í fanga, eins og þá í Guantanamo. Viðmælandi BBC segir að meðal annars hafi læknar leitað eftir veikleikum við yfirheyrslur sem hægt væri að nýta.

Upplýsingafulltrúi CIA segir margar villur vera í skýrslunni og að CIA sé ekki með neina fanga í haldi eftir að Barak Obama gaf skipun þar að leiðandi árið 2009. Í skýrslunni er kallað eftir því að öldungaþingnefnd um leyniþjónustur rannsaki að fullu starfsemi lækna í slíkum fangabúðum.