Viðbúnaður í Kaíró

Gríðarlegur viðbúnaður er nú í Kaíró höfuðborg Egyptalands en nú í morgunsárið eru að hefjast réttarhöld yfir Mohammed Morsi, fyrrverandi forseta landsins og fjórtán öðrum meðlimum í flokki hans, Múslimska Bræðralaginu.

Um tuttugu þúsund lögreglu- og hermenn eru í viðbragðsstöðu en stuðningsmenn Morsi hafa kallað eftir mótmælaaðgerðum í borginni. Honum var bolað frá völdum af hernum í júlí. Herinn braut síðan mótmæli stuðningsmanna hans á bak aftur með mikilli hörku þannig að nokkur hundruð manns létust. Múslímska bræðralagið var síðan bannað með lögum og fleiri háttsettir meðlimir þess hnepptir í varðhald.