„Ameríski draumurinn orðinn að martröð“

Yfir fimmtíu þekktir einstaklingar í Þýskalandi vilja að bandaríski uppljóstrarinn Edward Snowden fái pólitískt hæli í landinu. Í grein sem þeir skrifa í þýska blaðið Der Spiegel í dag segir að nú sé kominn tími til að Þjóðverjar hjálpi Snowden sem upplýsti heimsbyggðina um umfangsmiklar njósnir Þjóðaröryggisstofnunar Bandaríkjanna.

Ekki er langt síðan að Der Spiegel upplýsti að bandarísk yfirvöld hefðu hlerað síma Angelu Merkel kanslara. Það vakti upp mikla reiði í Þýskalandi. Heiner Geissler, sem starfaði áður sem skrifstofustjóri hjá Kristilegum Demókrötum, flokki Merkel, segir í greininni: „Snowden hefur gert hinum vestræna heimi mikinn greiða. Það er núna undir okkur komið að hjálpa honum.“ 

Og rithöfundurinn Hans Magnus Enzenberger segir að „ameríski draumurinn sé nú orðinn að martröð.“

Á meðal þeirra sem skrifa undir greinina er leikarinn Daniel Brühl, ljóðahöfundurinn Daniel Kehlmann, frumkvöðullinn Dirk Rossmann og forseti knattspyrnusamband Þýskalands Reinhard Rauball.