Skelfilegur jarðskjálfti í Kína

Gríðarlegur jarðskjálfti, sem mældist 6,6 stig, varð í Gansu-fylki í Kína nú í morgun. Tala látinna er komin í 54, að sögn yfirvalda og eru hundruðir manna slasaðir heimili í námunda við skjálftasvæðið hafa hrunið til grunna.

Skjálftans varð vart í Minxian og Zhangxian héruðum sem eru suðaustur af höfuðborg fylkisins, Lanzhou. Um þrjú hundruð hafa slasast alvarlega. Átta bæir á svæðinu hafa orðið fyrir verulegum skemmdum, þarna er fjallendi og hafa flóð og aurskriður gert mönnum erfitt fyrir. Rafmagn hefur slegið út og farsímakerfi liggja niðri. Rauði krossinn í Kína hefur sent hjálparlið á svæðið og hafa verið sett um hjálpartjöld.

Margir slösuðust eftir að hús þeirra hrundu. Um 380 bygginar hrundu til grunna og um 5.600 byggingar eru skemmdar í Zhangxian-héraði. Miklum rigningum er spáð á svæðinu sem gera allt hjálparstarf erfitt og auka þær líkur á enn frekari flóðum og aurskriðum.

Stærsti eftirskjálftinn var upp á 5,6 stig og kom hann um klukkutíma eftir að stóri skjálftinn reið yfir. Þessi skálfti í Gansu er á pari við skjálfta sem varð í Sichuan-héraði, sá mældist einnig 6,6 stig og fórust þá 164 manns; versti skjálfti í Kína í þrjú ár. Þá varð skelfilegur skjálfti sem mældist 7,9 stig og fórust þá 70 þúsund manns. Þetta var í maí árið 2008.